Հիշեցնենք, որ այս նույն հարցը քննիչ հանձնաժողովի նախորդ նիստի ընթացքում տվել էին նաև վարչապետ Նիկոլ Փաշինյանին, որը պատասխանել էր հետևյալը․ «Եղել են զինատեսակներ, որոնց հետ կապված իրավունքը լիարժեք և ամբողջությամբ ՀՀ-ին չի պատկանել»։
Անդրադառնալով ուղղորդված դասալքության մասին խոսացկություններին՝ պաշտպանության նախկին նախարարը նշեց, որ դասալքության հիմնական պատճառը եղել է կազմակերպչական թերությունների, վախի և զորահավաքային խնդիրների հետևանքը։
Նա հայտնեց, որ նախաձեռնել է 2 խումբ հանդիպումներ` Թուրքիայի ներգրավվածությունը, F-16-երի կիրառելիությունը չեզոքացնելու վերաբերյալ:
Տոնոյանը նշեց, որ ներդաշնակման ժամանակահատվածը այսպես թե այնպես կարճ է եղել, որը կապված է եղել նաև զորակոչվողների պատրաստվածության վիճակի հետ, բայց զինված ուժերը որքան հնարավոր է՝ փորձել են երկարացնել այդ գործընթացը։
Դավիթ Տոնոյանը շեշտեց, որ ՍՈՒ-30-ները ձեռք են բերվել ոչ թե պետական բյուջեի հաշվին, այլ օրենքով չարգելված այլ աղբյուրներից, իսկ թե ինչ աղբյուրներից, ասաց, որ դրա մասին կխոսի դռնփակ նիստին։
Միայն հավելեց կրկին, որ հաշվի էին առել դաշնակցի և այն Դաշինքի առկայությունը, որին մասնակցություն ունի Հայաստանը:
Անդրադառնալով այդ պնդումներին, թե ՍՈՒ-30-ների ձեռքբերումը հիմնավորված չէր, Տոնոյանը հռետորական հարց հնչեցրեց՝ այդ ի՞նչ սպառազինություն և ռազմական տեխնիկա (ՍՌՏ) պետք է ձեռք բերվեր, որ ՍՈՒ-30-ների ձեռքբերումն էլ հիմնավորված չէր։
Նա հիշատակեց նաև սպառազինության և ռազմական տեխնիկայի զարգացման ծրագիրը, ԶՈւ-երի զարգացման ծրագիրը, ՀՀ ԶՈւ-երի կիրառման պլանը և դրանցից բխող փաստաթղթերի փաթեթ:
Նա հայտնեց, որ անհրաժեշտություն է լինելու փակ նիստի անցկացման, քանի որ այն տեղեկությունների մեծ մասը, որոնք ցանկանում է տրամադրել հանձնաժողովին, պետք է նաև դռնփակ նիստով հայտնել:
Տեսանյութեր
Լուսանկարներ
